میرے قائد میاں محمد نواز شریف کو دل کی گہرائیوں سے سالگرہ مبارک ہو۔ آپ کا اس قوم اور ملک پر بہت بڑا احسان ہے۔ آپ نے پاکستان کو ایٹمی قوت بنا کر 28 مئی 1998 کو دنیا کے سامنے باوقار مقام دلایا۔ اگر اس وقت آپ جرات مندانہ فیصلہ نہ کرتے تو آج حالات مختلف ہوتے۔ آپ ایک سچے مسلمان ہیں اور اللہ تعالیٰ کی غیبی مدد ہمیشہ آپ کے ساتھ رہی۔ آپ نے کبھی دباؤ میں آ کر ایسا فیصلہ نہیں کیا جس سے قوم کو شرمندگی اٹھانا پڑے۔ آپ ہمیشہ پاکستان کی ترقی، خوشحالی اور وقار کی بات کرتے رہے—چاہے آپ اقتدار میں ہوں یا نہ ہوں، آپ آج بھی عوام کے دلوں کے وزیرِاعظم ہیں۔
مخالفین نے ہر دور میں آپ کو نشانہ بنایا—کبھی قید، کبھی جلاوطنی، کبھی نظر بندی—اور آپ کی منتخب حکومتوں کو ایسے طریقوں سے ختم کیا گیا جن کا آج تک قانونی جواز سامنے نہیں آ سکا۔ آپ اور آپ کے خاندان نے سختیاں برداشت کیں، مگر صبر، حوصلے اور وقار کے ساتھ۔ پانامہ جیسے معاملات کو بنیاد بنا کر ایک چلتی حکومت کو ہٹایا گیا، مگر وقت نے ثابت کیا کہ سچائی آپ کے ساتھ تھی۔
2018 میں نام نہاد انتخابات اور غلط پالیسیوں نے ملک کو شدید نقصان پہنچایا۔ معیشت کمزور ہوئی، خارجہ محاذ پر تنہائی بڑھی، ترقیاتی منصوبے متاثر ہوئے اور عوامی وعدے پورے نہ ہو سکے۔ کشمیر کے معاملے پر بھی قوم کو شدید مایوسی کا سامنا کرنا پڑا۔ بعد ازاں، عدم اعتماد کے ذریعے اس دور کا خاتمہ ہوا اور کرپشن کے حقائق سامنے آئے۔
آپ کی زندگی صبر، استقامت اور وقار کی مثال ہے۔ 2013 سے 2025 تک آپ کی زبان سے نفرت یا انتقام کا کوئی لفظ نہیں نکلا۔ بطور کارکنِ مسلم لیگ (ن)، جس نے 1989 سے سیاست کا آغاز کیا، میں گواہی دیتا ہوں کہ آپ نے کبھی انتقامی سیاست کو فروغ نہیں دیا۔ آپ کے والد محترم میاں محمد شریف اور والدہ ماجدہ نے سادگی، شرافت اور اخلاق کی جو تربیت دی، وہ آپ کی شخصیت میں نمایاں ہے۔ بیگم کلثوم نواز مرحومہ کی قربانیاں اور حوصلہ بھی تاریخ کا روشن باب ہیں۔
آج پاکستان کو چیلنجز درپیش ہیں، مگر سیاسی اور عسکری قیادت کے باہمی تعاون سے ملک آگے بڑھ رہا ہے۔ وزیرِاعظم میاں محمد شہباز شریف، وزیراعلیٰ پنجاب مریم نواز شریف اور ان کی ٹیم عوامی فلاح کے لیے دن رات کام کر رہی ہے۔ قائد محترم، پاکستان کو آج بھی آپ کی رہنمائی کی ضرورت ہے۔ اللہ تعالیٰ آپ کو صحتِ کاملہ اور درازیٔ عمر عطا فرمائے۔
راجہ ضمیر الدین احمد ، چیف کوآرڈینیٹر مسلم لیگ ن لاییرز فورم پنجاب 0302853122
