واشنگٹن(روشن پاکستان نیوز) امریکا کی ریاست ڈیلاویئر کی سپریم کورٹ نے ٹیسلا کے سربراہ ایلون مسک کے 2018 کے تنخواہ کے پیکج کو بحال کر دیا ہے۔
ٹیسلا اور اسپیس ایکس کے بانی ایلون مسک کے تنخواہ کے پیکیج کی مالیت اب تقریباً 139 ارب ڈالر بتائی جا رہی ہے۔
غیر ملکی خبر رساں ادارے کے مطابق اس فیصلے سے قبل ایک نچلی عدالت نے اس پیکج کو “ناقابلِ تصور” قرار دے کر منسوخ کر دیا تھا، تاہم سپریم کورٹ نے اس فیصلے کو غیر منصفانہ قرار دیتے ہوئے کالعدم کر دیا۔
مزید پڑھیں: ایلون مسک نے دولتمندی کا ایسا ریکارڈ بنا دیا جسکی مثال نہیں ملتی
عدالت نے کہا کہ تنخواہ کے پیکیج کی مکمل منسوخی ایلون مسک کے لیے ناانصافی تھی، کیونکہ وہ گزشتہ چھ سال کے دوران ٹیسلا کے لیے نمایاں خدمات انجام دے چکے ہیں۔ عدالت کے مطابق ایلون مسک کو ان کی محنت کا معاوضہ نہیں مل رہا تھا۔
