اسلام آباد(روشن پاکستان نیوز) پاکستان اسٹاک ایکسچینج میں تیزی کا سلسلہ برقرار ہے ، دوسری جانب امریکی ڈالر کے مقابلے میں روپے کی قدر میں بہتری آئی ہے۔

کاروباری ہفتے کے تیسرے روز بھی کاروبار کے آغاز پر اسٹاک ایکسچینج میں مثبت رجحان دیکھنے میں آیا، 100 انڈیکس 252 پوائنٹس کے اضافے کے بعد ایک لاکھ ، 70 ہزار ، 699 کی سطح پر پہنچ گیا۔

گزشتہ روز کاروبار کے آغاز پر انڈیکس نے بلند ترین سطح کو چھو لیا تھا تاہم کاروبار کے اختتام پر انڈیکس منفی زون میں چلا گیا تھا۔

مزید پڑھیں: ٹرمپ نے بی بی سی پر 10 ارب ڈالر ہرجانے کا مقدمہ کر دیا

دوسری جانب انٹر بینک میں ڈالر کی قیمت میں 5 پیسے کمی ہو گئی ہے ، ایکسچینج کمپنیز ایسوسی ایشن کے مطابق انٹر بینک میں ڈالر 280 روپے 25 پیسے پر ٹریڈ کر رہا ہے۔