اسلام آباد(روشن پاکستان نیوز) پاکستان انٹرنیشنل ایئرلائن (پی آئی اے) کی پرواز پی کے 859 کو پرندہ ٹکرانے کے باعث کراچی میں اتار لیا گیا۔
مسافروں کے مطابق پرواز لاہور سے جدہ جا رہی تھی، جس میں متحدہ عرب امارات کے قریب پرندہ ٹکرا گیا ، جس کے بعد طیارے کو واپس کراچی کی جانب موڑ دیا گیا۔
طیارے نے صبح 7 بجے کراچی ایئرپورٹ پر لینڈنگ کی ، طیارے میں عمرہ زائرین سمیت تقریباً 300 مسافر سوار تھے۔
مزید پڑھیں: پی آئی اے منافع بخش ادارہ بن گیا، 6 ماہ میں کتنے ارب کا منافع ہوا؟
دوسری جانب پی آئی اے ذرائع کا کہنا ہے کراچی ، پرواز پی کے 859 لاہور سے 13 گھنٹے تاخیر سے روانہ ہوئی تھی، طیارے کی ونڈ اسکرین سے پرندہ ٹکرایا جس سے ونڈ اسکرین کو نقصان پہنچا۔
