پشاور(روشن پاکستان نیوز) خیبر پختونخوا کے 13 رکنی کابینہ اراکین کو قلمدان سونپ دیئے گئے۔

وزیر اعلیٰ خیبر پختونخوا کی ہدایت پر کابینہ اراکین کے محکموں کا اعلامیہ جاری کر دیا گیا۔ جس کے مطابق شفیع اللہ جان کو معاون خصوصی برائے اطلاعات و نشریات و عوامی تعلقات مقرر کیا گیا ہے۔

ارشد ایوب خان کو وزیر ابتدائی و ثانوی تعلیم، امجد علی کو وزیر ہاؤسنگ، مینا خان آفریدی کو صوبائی وزیر بلدیات و دیہی ترقی مقرر کیا گیا ہے۔ جبکہ فضل شکور صوبائی وزیر پبلک ہیلتھ انجینئرنگ، ریاض خان کو وزیر آبپاشی، آفتاب عالم آفریدی کو صوبائی وزیر قانون، پارلیمانی امور اور انسانی حقوق مقرر کیا گیا ہے۔

سید فخر جہان کو وزیر ایکسائز، ٹیکسیشن اور نارکوٹکس کنٹرول، خالق الرحمان وزیر صحت اور عاقب اللہ وزیر ریلیف، بحالی اور آبادکاری مقرر کیا گیا ہے۔ فیصل خان تراکئی وزیر محنت، تاج محمد ترند مشیر کھیل و امور نوجوانان اور مزمل اسلم کو مشیر برائے خزانہ خیبر پختونخوا مقرر کیا گیا ہے۔

یہ بھی پڑھیں:پریس کلب آف پاکستان یوکے رجسٹرڈ کی نومنتخب کابینہ کے اعزاز میں عشائیہ

واضح رہے کہ نئی کابینہ میں کچھ پرانے چہروں کے ساتھ وہ دو وزراء بھی شامل کیے گئے ہیں۔ جنہیں سابق وزیراعلیٰ علی امین گنڈاپور نے اپنے آخری ایام میں کابینہ سے برطرف کیا تھا۔