راولپنڈی(روشن پاکستان نیوز) 25 ستمبر کو بحرین سے امدادی سامان لے کر آنے والی آسٹرال ایوی ایشن کی بوئنگ 767-300ER کارگو پرواز پاکستان ایئر فورس (پی اے ایف) بیس نور خان، چکلالہ، راولپنڈی پہنچی۔

یہ امدادی سامان پاکستان میں حالیہ سیلاب سے متاثرہ افراد کے لیے فراہم کیا گیا ہے۔ بحرین کی حکومت اور عوام کی جانب سے بھیجے گئے اس سامان میں خوراک، طبی اشیاء، خیمے اور دیگر ضروریاتِ زندگی شامل ہیں، جو متاثرہ علاقوں میں تقسیم کیے جائیں گے۔

حکام کے مطابق، امدادی کارروائیوں میں تیزی لانے اور متاثرین کو فوری ریلیف فراہم کرنے کے لیے سامان کو متعلقہ اداروں کے حوالے کر دیا گیا ہے۔ پی اے ایف اور دیگر امدادی ادارے اس قیمتی تعاون پر بحرین کا شکریہ ادا کرتے ہیں۔

مزید پڑھیں: چوہدری ظہیر سلطان کا بلاول بھٹو زرداری کی سالگرہ پر سیلاب متاثرین کے لیے امدادی کیمپ کی ہدایت پر خراج تحسین