اسلام آباد(روشن پاکستان نیوز) اسرائیلی وزیراعظم نے قطر پرمزید حملوں کی دھمکی دے ڈالی۔
نیتن یاہو نے قطر کو حماس قیادت ملک بدرنہ کرنے کی صورت میں سنگین نتائج کی دھمکی دیتے ہوئے کہا کہ کسی بھی ملک نے مخالفین کو پناہ دی تو اسرائیل اس کے خلاف کارروائی کرےگا،انہوں نے خطے کےدیگرممالک پربھی حملوں کا اشتعال انگیز بیان دیا۔
دوسری جانب قطری وزیر اعظم کا کہنا ہے کہ اسرائیلی وزیر اعظم نیتن یاہو مشرق وسطیٰ کو تباہی کی طرف لے جا رہے ہیں،اسرائیلی حملے میں زخمی ہونے والے قطری افسران کی حالت نازک ہے۔
قطر اپنے ثالثی کردار اور حماس کی مستقبل کی موجودگی کے حوالے سے ہر چیز کا ازسرِ نو جائزہ لے رہا ہے،آج پورا خلیجی خطہ خطرے میں ہے۔
انہوں نے مزید کہا کہ دوحہ پر اسرائیلی حملے کا جوابی ردعمل زیرغور ہے، شراکت داروں کے ساتھ مشاورت کر رہے ہیں۔
مزید پڑھیں: برادر ملک قطر کے ساتھ ہیں، تمام تر صلاحیتیں بروئے کار لائیں گے، محمد بن سلمان
