واشنگٹن(روشن پاکستان نیوز) قطر میں حماس رہنمائوں پر اسرائیل کے فضائی حملے پر امریکا نے کہا ہے کہ قطر کو اسرائیلی حملے سے خبردار کیا تھا۔
ترجمان وائٹ ہائوس کیرولین لیویٹ کا کہنا ہے کہ صدر ڈونلڈ ٹرمپ نے خصوصی ایلچی اسٹیف وٹکوف کو قطری حکام کو متوقع حملے سے آگاہ کرنے کا کہا تھا۔
ترجمان نے مزید کہا کہ پینٹاگون نے اطلاع دی تھی اسرائیل قطر میں حماس رہنماؤں پر حملہ کر رہا ہے، حملے کے بعد ٹرمپ نے اسرائیلی وزیر اعظم نیتن یاہو سے بات کی ، صدر ٹرمپ کا امیر قطرسے بھی رابطہ ہوا ہے۔
وائٹ ہاؤس کے ترجمان نے کہا کہ حماس کو نشانہ بنانا قابل فخر ہے، قطر کو یقین دہانی کرائی گئی ان کی سرزمین پر ایسی کارروائی دوبارہ نہیں ہو گی۔
مزید پڑھیں: صدر ٹرمپ کا محکمہ دفاع کا نام بدل کر ’محکمہ جنگ‘ رکھنے کا اعلان
