اسلام آباد(روشن پاکستان نیوز) آگاپے ٹرسٹ اور یونائیٹڈکونسل آف چرچز کی مشترکہ کوششوں کی بدولت سیلاب اور بارشوں سے متاثرہ مسلم اور مسیحی خاندانوں میں فوڈ پیکجز تقسیم کئے گئے،تقریب کا اہتمام یونائیٹڈکونسل آف چرچز کےچیئرمین بشپ جاوید صدیق،چیف ایگزیکٹوآفیسر سیمسن سہیل اور انکی ٹیم نے کیا تھا،تقریب کے مہمان خصوصی چیف ایگزیکٹو آفیسر آگاپے ٹرسٹ پادری حنوک حشمت ، یونائیٹڈکونسل آف چرچز کےچیئرمین بشپ جاوید صدیق اور چیف ایگزیکٹو آفیسر میکال انٹرپرائزز پادری بشیر نور تھے جنہوں نے مستحق خاندانوں میں فوڈ پیکجز تقسیم کئے،اس موقع پر مہمان خصوصی چیف ایگزیکٹو آفیسر آگاپے ٹرسٹ پادری حنوک حشمت کااپنے ایک پیغام میں کہنا تھا کہ انکا ٹرسٹ ہمدردی اور خلوص کیساتھ بلا امتیاز عوام کی خدمت کا سلسلہ جاری رکھے ہوئے ہے،ملک میں جب کبھی بھی کوئی قدرتی آفت نازل ہوئی آگاپے ٹرسٹ دوسرے فلاحی اداروں کیساتھ ملکر کر فلاحی اور امدادی کاموں میں ہمیشہ پیش پیش رہا ہے،ملک میں قدرتی آفات کے شکار افراد کی رنگ و نسل سے باتر ہوکر خدمت کی اشد ضرورت ہے،اس موقع پر یونائیٹڈکونسل آف چرچز کےچیف ایگزیکٹوآفیسر سیمسن سہیل نے کہا کہ یونائیٹڈکونسل آف چرچزملک میں کسی بھی مصیبت کے شکار خاندانوں اور افراد کی خدمت پر پختہ یقین رکھتا ہے یہی وجہ ہے کہ جب بھی اس ملک پر کوئی بھی قدرتی آفت ٹوٹی ہے یونائٹیڈ کونسل آف چرچز نے اپنے ہم وطنوں کے امداد میں کوئی غفلت نہیں کی ہے، یہ فوڈ پیکجز کی تقسیم بھی اسی سلسلے کی کڑی ہے اور یہ سلسلہ مستقبل بھی جاری رہے گا۔
