صوابی(روشن پاکستان نیوز) بونیر کے بعد صوابی میں بھی کلاؤڈ برسٹ اور لینڈ سلائیڈنگ نے تباہی مچا دی ، سیلابی ریلوں میں بہہ کر 15 افراد جاں بحق ہو گئے۔
دالوڑی گائوں گدون میں سیلابی ریلوں کے باعث 12 گھر ڈوب گئے ، پہاڑی علاقہ ہونے کی وجہ سے مختلف مقامات پر لینڈ سلائیڈنگ بھی ہوئی ہے۔
ڈپٹی کمشنر صوابی نصراللہ خان نے کلاؤڈ برسٹ سے گھروں کے ڈوبنے کی تصدیق کرتے ہوئے کہا ہے کہ انتظامیہ، ریسکیو اور دیگر امدادی ٹیمیں جائے وقوعہ کی جانب روانہ ہو چکی ہیں، ہری پور اور مردان سے بھی ریسکیو ٹیموں کو بلا لیا گیا ہے۔
پنجاب کے دریاؤں میں پانی کے بہاؤ میں اضافہ، سیلابی صورتحال پیدا ہونے کا خدشہ
ڈپٹی کمشنر نے اپیل کی ہے کہ رضاکارانہ طور پر لوگ متاثرہ افراد کی مدد کیلئے نکلیں ، وزیراعلیٰ خیبر پختونخوا اور چیف سیکرٹری صورتحال مانیٹر کر رہے ہیں۔
واضح رہے صوابی میں رات سے جاری بارش کے باعث ندی نالوں میں طغیانی آنے سے نشیبی علاقے زیر آب آ چکے ہیں۔
