مظفرآباد(روشن پاکستان نیوز) آزاد کشمیر میں بارشوں کے باعث سیلابی صورتحال کی وجہ سے ندی نالوں میں طغیانی میں اضافہ ہو گیا ہے۔

ریسکیو ذرائع کے مطابق آزادکشمیر میں بارشوں اورسیلاب کے باعث 8افرادجاں بحق جبکہ 2 افراد زخمی ہوئے ہیں،بارشوں کے باعث 6پل اور کئی رابطہ سڑکیں متاثرہوئی ہیں۔

آزادکشمیر میں مختلف مقامات پر 30 سے زائد مکانات اوردکانیں تباہ ہو گئی ہیں،بارش اور سیلابی صورتحال کے باعث بالائی علاقوں میں مواصلاتی نظام متاثر ہے۔

بارشوں اور سیلابی صورتحال کی وجہ سے آزادکشمیر کے مختلف اضلاع میں سرکاری و نجی تعلیمی اداروں میں 2دن کی چھٹی کااعلان کردیا گیا ہے۔

ایس ڈی ایم اے کے مطابق مختلف اسکولوں میں عارضی کیمپ قائم کردیئے گئے ہیں،وزیر اعظم آزادکشمیر نے سیلاب متاثرین کو معاوضہ دینے کا فیصلہ کیا ہے۔

مزیدپڑھیں: بالائی و وسطی علاقوں میں 5 تا 10 اگست بارشیں متوقع،سیلابی صورتحال کا الرٹ جاری

وادی نیلم، رتی گلی اور پتلیاں میں 500 سے زائد افراد پھنس گئے ہیں، لوہار گلی میں لینڈ سلائیڈنگ کے باعث مظفرآباد کا خیبرپختونخوا سے زمینی رابطہ منقطع ہو گیا ہے۔