اسلام آباد (محمد زاہد خان) تھانہ صدر بیرونی راولپنڈی کے علاقے حبیب لین اڈیالہ روڈ میں اندوہناک قتل کی واردات حساس ادارے کی ملازمہ سمیت 3 افراد بے دردی سے قتل، تفصیلات کے مطابق تھانہ صدر بیرونی راولپنڈی کے علاقے حبیب لین اڈیالہ روڈ میں اندوہناک قتل کی واردات پیش آئی جہاں پر آج دن تقریباً 3 بجے کے قریب پولیس کو اطلاع ملی کہ ایک خاتون انجم زہرہ، جو انٹیلی جنس بیورو (IB) اسلام آباد میں کانسٹیبل کے طور پر تعینات تھیں کو بڑی بے دردی سے قتل کر دیا گیا ہے اور بر وقت کاروائی کی جاۓ تو قاتل جاۓ وقوعہ پر پکڑا جا سکتا ہے جس پر پولیس نے بروقت ریڈ کرکے جاۓ وقوعہ پر قاتل علی کو گرفتار کر کے آلہ قتل بھی برآمد کر لیا۔ ابتدائی معلومات کے مطابق مقتولہ کے بھائی علی نامی شخص واقع جگہ حبیب لین پہنچا اور زاتی رنجش کی بنا پر اپنی حقیقی بہن انجم زہرہ کو بے دردی سے ذبح کر کے قتل کر دیا اسی دوران اس نے اپنے بھانجے، تین ماہ کے ننھے سالار حمزہ، پر بھی حملہ کیا۔ جبکہ قاتل کی بہن انجم زہرہ موقع پر ہی دم توڑ گئیں جبکہ قاتل کا بھانجہ
سالار حمزہ کو شدید زخمی و تشویشناک حالت میں اسپتال منتقل کر دیا گیا۔ پولیس نے ملزم علی کو موقع سے گرفتار کر لیا اور واردات میں استعمال ہونے والا آلہ قتل (چھری) بھی برآمد کر لیا ابتدائی تفتیش کے دوران ملزم نے چونکا دینے والا انکشاف کیا کہ اس نے صبح کے وقت ہی اسلام آباد کے علاقے ترامڑی، تھانہ چک شہزاد کی حدود میں، اپنے والد محمود حسین (ریٹائرڈ انسپکٹر IB) اور اپنی بہن شبنم زہرہ کو بھی قتل کیا ہے پولیس نے ملزم کو گرفتار کر کے تفتیش شروع کر دی ہے جبکہ پنجاب فرانزک سائنس ایجنسی (PFSA) اور پولیس کی ٹیمیں موقع پر موجود رہیں تفتیش کا عمل جاری ہے اور مزید حقائق سامنے آنے پر پولیس حقائق میڈیا کو آگاہ کرے گی۔
