اسلام آباد(روشن پاکستان نیوز) رکن قومی اسمبلی سحر کامران نے کہاہے کہ پاکستان میں پانی کے بحران کے حل کے لیے فوری اقدامات کی ضرورت ہے، اور حکومت کو صوبوں کے درمیان پانی کی تقسیم کے بارے میں سنجیدہ مذاکرات کرنے چاہئیں۔ انہوں نے کہا کہ سندھ میں زرعی بحران اور خشک سالی کی وجہ سے کسانوں کی حالت دگرگوں ہے، اور اگر فوری طور پر پانی کی فراہمی کو منصفانہ بنایا نہ گیا تو پورے ملک کی غذائی سیکیورٹی متاثر ہو سکتی ہے۔ ان کا کہنا تھا کہ پانی کے مسئلے کو سیاسی طور پر حل کرنے کی ضرورت ہے تاکہ تمام صوبوں کی ضروریات کو مدنظر رکھتے ہوئے فیصلہ کیا جا سکے۔
سحر کامران نے مزید کہا کہ سندھ کے کسانوں کی مشکلات کو نظرانداز نہیں کیا جا سکتا اور حکومت کو ان کے حقوق کا تحفظ کرنا چاہیے۔ ان کے مطابق اس بحران سے نمٹنے کے لیے وفاقی حکومت کو تمام صوبوں کی مشاورت سے ایک جامع حکمت عملی اپنانی ہوگی تاکہ نہ صرف پانی کی منصفانہ تقسیم ہو، بلکہ زرعی شعبے کے مسائل کا بھی حل نکالا جا سکے۔
اس موقع پر، انہوں نے وفاقی حکومت سے مطالبہ کیا کہ وہ فوری طور پر نیشنل ایکشن پلان تیار کرے تاکہ کسانوں کو ان کے نقصان کا معاوضہ مل سکے اور ان کی فصلوں کی بہتر نگہداشت کے لیے عملی اقدامات کیے جا سکیں۔
مزید پڑھیں: پاکستان پیپلز پارٹی کی سینئر رہنما این اے سحر کامران کا شہید ذوالفقار علی بھٹو کی چھیالیسویں برسی پر پیغام
