ریاض (روشن پاکستان نیوز)سعودی عرب کے قومی مرکز موسمیات کا کہنا ہے کہ مکہ مکرمہ میں گرد آلود طوفان کے ساتھ ہلکی سے درمیانے درجے کی بارش ہونے کی توقع ہے۔

مکہ شہر، الجموم، الکامل، طائف، میسان، اضم، العرضیات، المویہ، الخرمہ، رنیہ اور تربہ میں بارش کا امکان ہے۔ العلا، العیص، بدر، مدینہ منورہ، خیبر، الحناکیہ، وادی الفرع اور المھد میں ہلکی سے درمیانی بارش ہوسکتی ہے۔

 مزیدپڑھیں:سعودیہ کی پاکستان سمیت 14 ممالک کیلئے نئی ویزا پالیسی ، ایک سالہ ملٹی پل انٹری سہولت ختم

قومی مرکز موسمیات نے کہا کہ تبوک کے علاقے تیما میں درمیانے درجے کی بارش اور تیز ہوائیں چلنے کی توقع ہے۔

مملکت کے دارالحکومت ریاض، حائل، نجران، مشرقی ریجن، شمالی حدود ریجن، الجوف، الباحہ اور جازان کے مختلف علاقوں میں گرد آلود ہواؤں کے ساتھ ہلکی سے درمیانے درجے کی بارش کا امکان ہے۔