ریاض (وقار نسیم وامق) سعودی عرب میں سعودی میڈیا فورم کی جانب سے بین الاقوامی میڈیا نمائش اور کانفرنس کا آغاز ہوگیا جس میں اہم شخصیات اور میڈیا سے تعلق رکھنے والے سینکڑوں افراد شرکت کر رہے ہیں۔
سعودی عرب کے دارالحکومت ریاض میں سعودی میڈیا فورم کی جانب سے بین الاقوامی میڈیا نمائش اور کانفرنس کے پہلے روز سعودی ریسرچ اینڈ میڈیا گروپ کے صدر فہد الحارثی، یمن کے وزیر برائے کلچر اینڈ ٹورازم محمد بن مطھر، بحرین کے وزیر برائے انفارمیشن ڈاکٹر عبداللہ النعیمی، عرب لیگ کے سفیر احمد رشید نے افتتاح کیا اور دنیا بھر سے آئے ہوئے میڈیا کے شرکاء سے خطاب کرتے ہوئے کہا کہ آج پوری دنیا انفارمیشن ٹیکنالوجی کی بدولت سمٹ چکی ہے، دنیا کو فیک نیوز کا سامنا ہے جس کی وجہ سے ڈیجیٹل میڈیا کی اہمیت کو نقصان پہنچ رہا ہے۔
مقررین ک کہنا تھا کہ ضروری ہے کہ ڈیجیٹل میڈیا پر اظہار رائے کے حق کو انتہائی ذمہ داری کے ساتھ ادا کیا جائے تاکہ دنیا میں فیک نیوز کا خاتمہ ہوسکے علاوہ ازیں ڈیجیٹل میڈیا کے انفرسٹکچر کو بہتر بنانے کی بھی ضرورت ہے۔
مزید پڑھیں: یوکرین میں امن کیلئے ٹرمپ، پیوٹن ملاقات کی میزبانی پر تیاری ہیں، سعودی عرب
سعودی ریسرچ اینڈ میڈیا گروپ کے صدر فہد الحارثی کا کہنا تھا کہ سعودی عرب میڈیا کو نا صرف اہمیت دیتا ہے بلکہ اس میں جدت بھی لا رہا ہے۔
سعودی میڈیا فورم کانفرنس میں پاکستان کے وزیر اطلاعات عطاء تارڑ کو بھی خصوصی طور پر مدعو کیا گیا ہے۔
