اسلام آباد (روشن پاکستان نیوز) رکن قومی اسمبلی انجم عقیل خان، چیئرمین ڈاکٹر عظیم الدین زاہد لکھوی، قائمہ کمیٹی برائے وفاقی تعلیم، پیشہ ورانہ تربیت، قومی ورثہ اور ثقافت کے دیگر ممبران نے سپیکر قومی اسمبلی سردار ایاز صادق سے ملاقات کی۔
اس ملاقات کے دوران، انہوں نے اپنی ذیلی کمیٹی کی اسلام آباد کے شہری اور دیہی علاقوں میں اسکولوں اور ڈگری کالجز کے دوروں سے متعلق رپورٹ سپیکر کے سامنے پیش کی۔ رپورٹ میں ان تعلیمی اداروں میں فراہم کی جانے والی خدمات کا جائزہ لیا گیا اور اس دوران کیے جانے والے انقلابی اقدامات کا بھی تفصیل سے ذکر کیا گیا۔
رپورٹ میں کچھ خامیوں کی نشاندہی بھی کی گئی اور مزید بہتری کے لیے مختلف سفارشات پیش کی گئیں تاکہ تعلیمی نظام کو مزید موثر بنایا جا سکے۔
اس موقع پر جناب عبدالعلیم خان ایم این اے، راجہ خرم شہزاد نواز ایم این اے، محترمہ فرح ناز اکبر ایم این اے اور جناب اسامہ حمزہ ایم این اے بھی موجود تھے۔
مزید پڑھیں: معیاری تعلیم کی فراہمی وقت کی ضرورت ، انجم عقیل خان کا گرلز سکول کی نئی عمارت کی افتتاحی تقریب سے خطاب
