کیلیفورنیا(روشن پاکستان نیوز) کیلیفورنیا کے جنگلات میں لگی آگ تاحال قابو سے باہر ، ہلاکتوں کی تعداد 25 ہو گئی ، آگ کے باعث لاس اینجلس سے لاکھوں افراد نے نقل مکانی کر لی۔
امریکی میڈیا کے مطابق کیلیفورنیا میں لگی آگ سے 40 ہزار ایکڑ رقبہ جل گیا ، لاس اینجلس کاؤنٹی کے مزید 88 ہزار رہائشیوں کو انخلا کے احکامات جاری کر دیئے گئے ہیں۔
پبلک سیفٹی کے پیش نظر 20 ہزار صارفین کو بجلی کی فراہمی معطل کر دی گئی ہے ، طوفانی ہواؤں کے پیش نظر جنوبی کیلیفورنیا میں ہائی فائر الرٹ بھی جاری کر دیا گیا ہے۔
امریکی میڈیا کے مطابق لاس اینجلس میں پبلک ہیلتھ ایمرجنسی برقرار ہے ، تباہ شدہ عمارتوں کے ملبے کی صفائی میں 6 ماہ سے زائد کا وقت لگے گا۔
