اسلام آباد(روشن پاکستان نیوز) پاکستان کی معروف ماہر نفسیات ڈاکٹر نبیہ نے اپنے حالیہ بیان میں کہا کہ انہیں بہت اچھا لگتا ہے جب لوگ ان سے نفرت کرتے ہیں یا انہیں تنقید کا نشانہ بناتے ہیں۔ ان کا کہنا تھا کہ یہ عام بات ہے کہ لوگ ان کے خلاف منفی پروپیگنڈا کرتے ہیں، مگر وہ ہمیشہ اپنی عزت و نفس پر قائم رہیں گی کیونکہ عزت و ذلت اللہ کے ہاتھ میں ہے۔
ڈاکٹر نبیہ نے کہا کہ جب لوگ ان سے بدلے کی کوشش کرتے ہیں، تو وہ یہ نہیں سوچتے کہ وہ کیا کر رہے ہیں۔ انہوں نے مزید کہا کہ مخالفین یہ سمجھتے ہیں کہ وہ انہیں ذلیل کر سکتے ہیں، لیکن ایسا ممکن نہیں ہے۔
ڈاکٹر نبیہ نے اپنے ساتھ ہونے والے حملے اور ایف آئی اے میں درج کیس کا ذکر بھی کیا، اور بتایا کہ انہوں نے پولیس کو سی سی ٹی وی فوٹیجز فراہم کیے تھے۔ ان کا کہنا تھا کہ ان پر الزامات لگانے والوں کو شاید دماغی مسائل ہیں، اور وہ ان کے خلاف جھوٹی کہانیاں گھڑ کر انہیں بدنام کرنے کی کوشش کر رہے ہیں۔
انہوں نے اپنے موقف میں کہا کہ یہ ان کے اختیار میں نہیں کہ سوشل میڈیا پر انہیں شہرت ملی، لیکن انہوں نے ہمیشہ پاکستان میں مثبت تبدیلی لانے کی کوشش کی ہے، جیسے کہ میاں بیوی، بہن بھائیوں کے تعلقات کو بہتر بنانا اور والدین کی عزت کو بڑھانا۔
مزید پڑھیں: ماہر نفسیات ڈاکٹر نبیہ علی خان کی جان کو خطرہ، حکومت اور قانون نافذ کرنے والے اداروں سے تحفظ کی اپیل
ڈاکٹر نبیہ نے کہا کہ وہ کبھی بھی کسی کو تنقید کا نشانہ نہیں بناتی اور نہ ہی کسی پر تہمت لگاتی ہیں۔ انہوں نے بتایا کہ کچھ خواتین ان کے خلاف سازشیں کر رہی ہیں، اور وہ چاہتی ہیں کہ ان کی عزت متاثر ہو۔ مگر ڈاکٹر نبیہ نے ہمیشہ صبر کا دامن تھامے رکھا اور قانونی راستہ اختیار کیا، ان کے خلاف ایف آئی آر درج کرائی اور انہوں نے کبھی بھی ذاتی انتقام کی کوشش نہیں کی۔
آخر میں ڈاکٹر نبیہ نے کہا کہ انہوں نے اپنی جدوجہد اور کامیابی کا سارا کریڈٹ اللہ کے نام دیا اور ان تمام مسائل کا حل صرف اللہ کے حکم میں سمجھا، جب کہ انہوں نے کبھی بھی اپنے مخالفین کے خلاف ذاتی حملے نہیں کیے۔
