راولپنڈی(روشن پاکستان نیوز) راولپنڈی پولیس نے مختلف تھانوں میں بڑی کاروائیاں کرتے ہوئے متعدد جرائم پیشہ افراد کو گرفتار کیا۔ تفصیلات کے مطابق مختلف علاقوں میں ڈکیتی، چوری، قمار بازی، ناجائز اسلحہ، منشیات فروشی اور جھوٹی ایمرجنسی کالز کے خلاف کارروائیاں کی گئیں۔
ریس کورس پولیس کی بڑی کامیابی: ریس کورس پولیس نے ڈکیتی کے وارداتوں میں ملوث ‘ماموں گینگ’ کے سرغنہ سہیل عرف ماموں اور اس کے ساتھی غفران کو گرفتار کرلیا۔ پولیس نے ملزمان سے چھینی گئی رقم 60 ہزار 500 روپے، موبائل فونز اور اسلحہ برآمد کرلیا۔ ملزمان کے مزید انکشافات کی توقع کی جا رہی ہے۔
نصیر آباد پولیس کی کامیاب کارروائی: نصیر آباد پولیس نے ڈکیتی میں ملوث دو ملزمان عثمان اور ریاض کو گرفتار کرلیا۔ ان سے چھینی گئی رقم 44 ہزار روپے، 7 موبائل فونز اور اسلحہ برآمد کیا گیا۔
واہ کینٹ پولیس کی کامیاب چوری کی کارروائی: واہ کینٹ پولیس نے چوری کی وارداتوں میں ملوث دو رکنی گینگ کو گرفتار کیا۔ ملزمان وسیم اور یاسین سے مسروقہ رقم 21 ہزار 600 روپے اور اسلحہ برآمد ہوا۔
رتہ امرال پولیس کی کارروائی: رتہ امرال پولیس نے 15 ایمرجنسی ہیلپ لائن پر جھوٹی کال کرنے والے ملزم نعمان کو گرفتار کیا۔ ملزم نے جھوٹی کال کی تھی جس کی بنیاد پر پولیس نے فوری کارروائی کی۔
مورگاہ پولیس کی قمار بازی کے خلاف کارروائی: مورگاہ پولیس نے مرغوں کی لڑائی پر جواء کھیلنے والے چار قمار بازوں کو گرفتار کیا۔ پولیس نے داؤ پر لگی رقم 4,700 روپے اور موبائل فونز برآمد کیے۔
پیرودہائی پولیس کی سٹریٹ کرائم اور چوری کی کارروائی: پیرودہائی پولیس نے سٹریٹ کرائم اور چوری کی وارداتوں میں ملوث ملزم بلال کو گرفتار کرلیا۔ ملزم سے 27 ہزار روپے کی مسروقہ رقم برآمد کی گئی۔
منشیات اور شراب کی اسمگلنگ کیخلاف کارروائیاں: راولپنڈی پولیس نے منشیات فروشوں اور شراب سپلائرز کے خلاف کارروائیاں کیں اور تین ملزمان کو گرفتار کیا۔ پولیس نے ان سے چرس اور شراب برآمد کی۔
ناجائز اسلحہ رکھنے والے افراد کے خلاف کارروائیاں: راولپنڈی پولیس نے ناجائز اسلحہ رکھنے والے 8 ملزمان کو گرفتار کیا اور ان کے قبضے سے پستول اور ایمونیشن برآمد کیا۔
ایس پی راولپنڈی محمد حسیب راجہ نے کہا کہ پولیس شہریوں کی جان و مال کی حفاظت کے لیے بھرپور اقدامات کر رہی ہے اور ملزمان کے خلاف کارروائیاں جاری رکھی جائیں گی۔
