اسلام آباد(روشن پاکستان نیوز) وفاقی وزیراطلاعات و نشریات عطا اللہ تارڑ نے کہا ہے کہ فی الحال چیف جسٹس کی تعیناتی کے رولز کو تبدیل کرنے کی کوئی تجویز زیرغور نہیں،نئے چیف جسٹس کی تعیناتی کے نوٹیفکیشن کا جب وقت آئے گا تو فیصلہ کیا جائے گا۔
ایک انٹرویو میں انہوں نے کہا کہ قومی اسمبلی اور سینیٹ نے اپنے دن پورے کرنے ہیں اس لئے اجلاس بلایا گیا ہے، سینیٹ اور قومی اسمبلی کے مشترکہ اجلاس میں آئینی ترمیم نہیں لائی جاسکتی، مشترکہ اجلاس میں کوئی نیا بل بھی نہیں لایا جاسکتا۔
قیاس آرائیوں میں کوئی حقیقت نہیں ہے، نئی آئینی ترمیم پہلے ایک ایوان میں جاتی ہے پھر دوسرے ایوان میں منظوری کیلئے جاتی ہے، کچھ ایسے بلز منظور کرنے ہیں جو عارف علوی کے دور سے لٹک رہے ہیں۔
مزید پڑھیں: حکومتِ پاکستان کا ‘بلیو اکانومی’ کے ذریعے معیشت بہتر بنانے پر غور
انہوں نے نئے چیف جسٹس کی تعیناتی کے نوٹیفکیشن کا جب وقت آئے گا تو فیصلہ کیا جائے گا، وزارت قانون جب مناسب سمجھے گی مشاورت کے ساتھ فیصلہ کردے گی۔ فی الحال چیف جسٹس کی تعیناتی کے رولز کو تبدیل کرنے کی کوئی تجویز زیرغور نہیں ہے۔
