مصنوعی ذہانت (AI) ٹیکنالوجی تیزی سے ترقی کر رہی ہے اور بہت سے شعبوں میں استعمال ہو رہی ہے۔
لیکن اب پہلی بار اولمپکس میں بھی AI ٹیکنالوجی کا استعمال کیا جائے گا۔خیال رہے کہ پیرس اولمپکس شروع ہونے میں زیادہ وقت باقی نہیں ہے۔
انٹرنیشنل اولمپک کمیٹی (IOC) نے پیرس اولمپکس کے لیے AI ایجنڈا جاری کر دیا ہے۔IOC کے صدر Thomas Bach نے AI ٹیکنالوجی پر مبنی متعدد خدمات اور آلات متعارف کرائے جو پیرس اولمپکس کو بہتر بنانے کے لیے استعمال کیے جائیں گے۔
سوشل میڈیا مانیٹرنگ سے لے کر کھلاڑیوں کی تربیت اور نشریات تک، AI ٹیکنالوجی 26 جولائی سے شروع ہونے والے اولمپکس میں اہم کردار ادا کرے گی۔
کمپنی پیرس کے متعدد مقامات پر اس ٹیکنالوجی کا استعمال کرے گی تاکہ شائقین اپنے پسندیدہ کھلاڑیوں کو ایکشن میں دیکھ سکیں۔
Intel کی تیار کردہ AI ایپس کو اولمپکس میں بھی استعمال کیا جائے گا تاکہ شائقین یہ جان سکیں کہ نئی ٹیکنالوجی نے کھلاڑیوں کی کارکردگی کو بہتر بنانے میں کس طرح مدد کی ہے۔
کمپنی اولمپک گیمز کی پرانی ویڈیوز کو 3D ڈیجیٹل نوادرات میں تبدیل کرے گی جو اولمپکس میوزیم میں قابل رسائی ہوں گی۔
ایک اور ٹول لائیو ٹی وی سگنل کو 8K ریزولوشن / 60 فریم فی سیکنڈ / HDR میں ملی سیکنڈز میں تبدیل کرکے گیمز کی نشریات میں کردار ادا کرے گا۔یہ ایچ ڈی فیڈ دنیا بھر میں سیکنڈوں میں بھیجی جائے گی، جس سے لائیو سٹریمنگ پہلے سے بہتر ہو گی۔
