ٹانک(روشن پاکستان نیوز)ضلع ٹانک میں ڈگری کالج کے سامنے نامعلوم افراد کی فائرنگ سے سی ٹی ڈی ہیڈ کانسٹیبل ظاہرشاہ شہید ہو گئے۔
تفصیلات کے مطابق ہفتہ کو ضلع ٹانک میں ڈگری کالج کے سامنے نامعلوم افراد کی فائرنگ سے سی ٹی ڈی ہیڈ کانسٹیبل ظاہرشاہ شہید ہو گئے۔
ذرائع کے مطابق ریسکیو 1122نے موقع پر پہنچ کر لاش کو ڈی ایچ کیو ہسپتال منتقل کر دیا جبکہ پولیس کی بڑی نفری جائے وقوعہ پر پہنچ گئی۔
پولیس ذرائع کے مطابق علاقے کو گھیرے میں لے کر پولیس نے سرچ آپریشن شروع کردیا ہے۔
مزیدپڑھیں:لکی مروت: دہشتگردوں کی فائرنگ سے ڈی ایس پی اور ایک اہلکار شہید
یاد رہے کہ باجوڑ اور ٹانک کے اضلاع میں مختلف واقعات میں 2 پولیس اہلکار شہید جبکہ ایک زخمی ہو گیا۔
اس سے قبل ضلع باجوڑ کی تحصیل ماموند میں ریموٹ کنٹرول بم دھماکہ ہوا جس میں ایک پولیس اہلکار شہید جبکہ ایک زخمی ہوگیا۔
ڈی ایس پی بخت منیر نے واقعے کی تصدیق کرتے ہوئے کہا کہ بم دھماکے کے نتیجے میں پولیس اے ایس آئی بخت ذادہ شہید جبکہ کانسٹیبل احسان اللہ زخمی ہوگئے۔
