اسلام آباد(کرائم رپورٹر)تھانہ کھنہ کے سامنے ایکسپریس وے پر کار اور ٹرک میں خوفناک حادثے کے نتیجے میں کار سوار 3 دوست موقع پر جاں بحق ہوگئے ۔
جبکہ چوتھا شدید زخمی ہوگیا۔ واقعہ اتوار کے روز 9 اپریل کو پیش آیا۔ پولیس، امدادی ٹیموں اور راہگیروں نے لاشیں اور زخمی نوجوان کو پمز ہسپتال منتقل کرا دیا ہے۔ پولیس کے مطابق حادٹہ کار اور ٹرک کےدرمیان تصادم کے نتیجہ میں پیش آیا۔ جاں بحق ہونے والوں میں عباس شاہ، عباس احمد اور سعاد احمد شامل ہیں۔جان بحق ہونے والے تینوں نوجوان اور زخمی ہونے والا نوجوان ایک ہی گلی کے رہائشی تھے۔ پولیس نے واقعہ کی تحقیقات شروع کردی ہے۔
