خطبہ نکاح لوگوں کو سمجھانا پڑے گا۔ سجادہ نشین بری امام سرکار

اسلام آباد ( سٹی رپورٹر )جانشین دربار عالیہ رتے ہوتر شریف و سجادہ نشین بری امام سرکار پیر سید حیدر علی گیلانی نے نئے سال کا آغاز دربار شریف پر حاضری سے کیا۔ اس موقع پر انہوں نے اپنے مرید کا نکاح ترجمہ کے ساتھ پڑھایا۔ خطبہ نکاح کو عربی کے ساتھ اردو و پنجابی میں بھی سمجھایا گیا۔ نکاح کنندہ کو رخصتی کی تقریب سے پہلے قرآن میں موجود محکمات پڑھنے کی تلقین کی۔پیر سید حیدر علی گیلانی نے کہا کہ ضرورت اس امر کی ہے کہ نکاح خواں حضرات خطبہ نکاح کو کھول کر بیان کیا کریں۔ آیات مقدسہ کو ترجمہ کے ساتھ سمجھائیں اور لوگوں کو یہ تلقین کریں کہ وہ شادی سے پہلے سورہ بقرہ سے لے کر کم از کم سورہ النساء تک قرآن کو با ترجمہ لازمی پڑھیں تا کہ ازدواجی زندگی گزارنے کے اسلوب سے واقفیت حاصل کر سکیں۔ عیسوی سال کے آغاز پر پیر صاحب نے عالمین کے لیے دعا فرمائی۔

اپنا تبصرہ بھیجیں